तुझे नाम ते अंतरी राहिले...!!

किती काळ गेले असे हे सरूनी...      

कितीदा  तुला पाहिले ;विस्मरूनी..

तरीही पुन्हा ;काळजाला छळूनी ;तुझे नाम ते अंतरी राहिले ....

तुझे भास होता; मनाला म्हणावे ;

"विसरूनी जा रे ;नसे सत्य काही "

तरीही मनाला कळेना कळेना ;

तुझे गीत त्याने कसे विस्मरावे ?...

किती यत्न केला ;तरीही विरेना;

असा शोक आता ;उरांतून वाहे;

उगा श्वास येती ;शरीरांत आता;

परी प्राण अस्वस्थ तेथे रमेना..!

तुला आज  माझी नसे आस  काही ;

तरीही भासते पाश काही अजुनी;

उरे दोन जीवांत अपुल्या तरीही ;

कुठेना कुठे भेट होईल अजुनी ;

असे स्वप्न नेत्रांमध्ये राखले...

तुझे नाम ते अंतरी राहिले.....

................................लेखन -हर्षल,,