.........आता कुठे.......??

त्या सुरांचे गाव माझे ;ते सुखांचे ठाव माझे
हरवले आता कुठे..
पाहिले जे स्वप्न तेंव्हा  ..
हरवले आता कुठे?
भोवताली माणसांच्या उग्र जत्रा रंगल्या ;
शांततांचे भान त्यातून ..
निसटले आता कुठे?...

एकटे चालावयाचे ;

ठरवले नव्हते कधी..

सोडूनी सारेच गेले;

शोधुनी आणू कुठे..??

कल्पनांचे विश्व सारे 

मस्तकातच राहिले..

वास्तवाचा स्पर्श देऊन;

उतरवू आता कुठे..??

ध्यास होते अल्प काही ;

विरून तेही पार गेले;

स्वप्न सुंदर जीवनाचे ;

उमटवू  आता कुठे..?

जन्म काही मानवांचा ;

दुःख वाहत चालतो..!!

आपुल्या डोळ्यांसमोरी ..

हाल अपुले पाहतो..!!

कारणे त्याची मनाला ;

समजवू आता कुठे.......??

.......................................लेखन -हर्षल.