नभांना नवी जाग येईल आता
धरेला नवा साज येईल आता
असा थंड वाहेल व्याकूळ वारा
बरसतील मेघांतुनी दिव्य धारा !!
दहाही दिशांना सरी पावसाच्या
उघडती कुप्या मातीच्या अत्तरांच्या
रिती तप्त धरणी पहा होई शांत
मनातून आनंद वाहे प्रशांत !!
तुझे स्पर्श माधुर्य स्मरणार तेंव्हा
तुझे हास्य मेघांत दिसणार तेंव्हा
पुन्हा अंतरातून उमलेल प्रीती
सरींतून दिसते तुझी प्रेम मूर्ती !!
-------------------------------लेखन -- हर्षल --------------
No comments:
Post a Comment