मी एक मुशाफिर धुंद
आयुष्य उधळूनी फिरलो !!
तमघोर पथांवर ;माझा ,मी
सूर्य होऊनी जळलो !!
एकांत कुठे मायेने
पुण्यात्मे देऊन गेले !!
सावलीत त्या वृक्षांच्या
सावली होऊनी निजलो !!
माथ्यावर आग कितीदा
वा ;चरणतलावर जाळ
कडकडूनी कितीदा फुटले
विद्रोही वर आभाळ !!
उन्माद पाहिले भवती ;
यातना संग अश्रुंचे !!
उद्दाम भोग शृंगार;
अनुराग देह मायेचे !!
देखिले तपस्वी त्यागी !
त्या अखंड जळत्या ज्योती !
ते थोर प्रकाश विरागी ;
परमेशाच्या प्रति-दीप्ती !
हे सत्य सनातन अवघे
काळजात भरुनी उरले!!
शब्दांतून आठवणींचे
हे काव्य झरे पाझरले !!
---------------------लेखन - हर्षल ---
आयुष्य उधळूनी फिरलो !!
तमघोर पथांवर ;माझा ,मी
सूर्य होऊनी जळलो !!
एकांत कुठे मायेने
पुण्यात्मे देऊन गेले !!
सावलीत त्या वृक्षांच्या
सावली होऊनी निजलो !!
माथ्यावर आग कितीदा
वा ;चरणतलावर जाळ
कडकडूनी कितीदा फुटले
विद्रोही वर आभाळ !!
उन्माद पाहिले भवती ;
यातना संग अश्रुंचे !!
उद्दाम भोग शृंगार;
अनुराग देह मायेचे !!
देखिले तपस्वी त्यागी !
त्या अखंड जळत्या ज्योती !
ते थोर प्रकाश विरागी ;
परमेशाच्या प्रति-दीप्ती !
हे सत्य सनातन अवघे
काळजात भरुनी उरले!!
शब्दांतून आठवणींचे
हे काव्य झरे पाझरले !!
---------------------लेखन - हर्षल ---
No comments:
Post a Comment