प्राजक्त बहराचा गोडवा तू
घेऊन येतेस !
आणि उमलतात माझ्या मनात
स्वप्न पुष्पांच्या बागा !!
तुझे हास्य चांदण्यासारखे
पसरून जातेस …
माझ्या मनाच्या आभाळावर !!
आणि लक्षावधी संकेत
तुझ्या अबोध प्रेमाचे …!!
उतरतात माझ्या एकाकी
आयुष्यात !!
तू आकाशातल्या विजेसारखी
तळपून जातेस …….
माझ्या अंधार्या विरक्त विश्वात .!!
आणि या सन्यस्त आयुष्याला
ओढ लागते तुझ्या सहवासाची !!
तू चन्द्रकलेसारखी
अलवार उगवतेस …!
अलवार उगवतेस …!
माझ्या आठवणींच्या मेघांतून …!
आणि माझी प्रत्येक सायंकाळ
न्हाउन निघते त्या सौजन्याने !!
माझे नेत्र विसावा शोधतात
तुझ्या प्रेमळ नजरेमध्ये !.
आणि कधी अश्रुंचे अनिवार
जलाशय उभे राहतात …
तुझ्या विरहाच्या कल्पनेने !!
---------------लेखन -हर्षल ( माझ्या एका कवितेचा एक भाग !! )स्मरणयात्रा
No comments:
Post a Comment