आषाढ रंग !....!

आषाढ रंगुनी गेला

मेघांचे डोह वितळले 

क्षितिजांवर इंद्रधनुच्या 

रंगांचे तोरण सजले !!

रानांत वृक्ष मोहरले  

पांघरून हिरवे शेले !

ते उंच उदासीन मेरु 

हिरव्या रंगांत बुडाले !!

मातीचे अत्तर फुटले 

वार्यांना यौवन रंग !

पृथ्वीवर मुक्त उधळले 

ओलेसे गंध तरंग !!

ते सरितांच्या भवताली 

पाण्यात किनारे बुडती 

आकाश सोडूनी पक्षी 

झाडा झाडांवर निजती !!

हा उत्सव जलरंगांचा
धरतीच्या अंगांगांचा !
धरणीवर पाणी सजते !
जगण्याला जीवन मिळते

--------लेखन -हर्षल !