असंख्य मानवांचे मग्न विचार
एखाद्या सुर्यज्वाले समान
एकत्र झाले …. !
आणि महामंथनाची
रांग लागली !! समाज समुद्रात !!
आणि जन्माला आली अवजड
दीर्घ काटेकोर यंत्र क्रांती !!
लोहांचे रस तप्त भट्ट्या ओतू लागल्या !
आणि पोलादाचे टणत्कार घुमू लागले !
अजस्त्र पर्वतान्सारख्या बुलंद इमारती ;
घनघोर घुमणारी यंत्र पाती !!
आग ओकणारी धातुकार्ये ….
धडाडू लागली …।!!
नवा मंत्र …नवे कार्य …
नव्या प्रेरणा …नवे जोम !!
यंत्र यंत्र ।तन्त्र तंत्र ….
असा कोलाहल आधी नव्हता !
अशी ओढ आधी नव्हती !!
नवा माणूस कारखान्यांत झिजत होता !!
रुंद लांब ओळींमध्ये चालत होता ।
प्रचंड यंत्र - यागात शिजत होता !!
माणसाने कात टाकली …।
शरीर ,मन ,समाज
सार्यांसह नवा अवतार …।
तोफा …बन्दुकि …रणगाडे
रस्ते …. घरे …. वस्तू … साधने !!
सगळेच आधुनिक … तेज तर्रार … घडत गेले !!
ही क्रांती !!
जुने पाडत … नवे जोडत ।
माणसे मोडत … मने तोडत …
सगळे खात … सारेच पचवत …. बेभान दौडत …
चालत राहील !!
माणसांचे काय …??. हा एक प्रश्नच आहे !!
अवाढव्य … !!
__________ लेखन -- हर्षल !!
No comments:
Post a Comment