******* !मुक्तचिंतन …. "ईश्वर" !*******
अनंत प्रश्नांच्या आत …
एक शांत उत्तर असावे
परमेश्वर नावाचे !!
देहाच्या ज्वलंत विकारांतून ,
आणि अनिवार वाहत्या काळातून ,
सर्वत्र धडाडून उसळते अंध आवेश
निराकार …. अनिर्व्याख्य !!
ह्यांचे आकार मोडून पडले कि
मात्र उरतात चिरंतन ज्योती !
हाच प्रकाश सनातन !!ईश्वरी !!
मोहांतून , भ्रमांतून , असहायतेतून ,
निर्माण झालेले वैश्विक महा मार्ग !
परस्परांमध्ये गुम्फलेले …. वर्तुळाकार !!
यांतून बाहेर अखंड उचलून नेणारे
महान मोक्षदायक महात्मे !!
ईश्वरा तुझ्यापर्यंत नेणारे ….
तुझेच अंश …!!
या जालीम कोलाहलात
ईतके तरी आम्हाला दे !!
सन्मार्ग तरी चालायची बुद्धी दे !!
___________ हर्षल
No comments:
Post a Comment