Ajunahee...!!

अजूनही दिलांचे ते धडकणे तसेच..
अजूनही फुलांचे अन उमलणे तसेच..!!

अजुनही उगाच शांत सांज पेटते कधी ..
अजुनही ढगांचे उंडारणे तसेच....!!

अजूनही ऋतू वसंत बहर ओततो..
अजूनही कळ्यांचे ते लाजणे तसेच...!!

अजूनही मनात स्वप्न रात्र फुलवते...
स्वप्नांचे त्यानंतर ...मोडणे तसेच...!!

-------------------===--------हर्षल ..!!

Dhyas !!

आता जुन्या स्मृतींचा  मिटवून वाद जाऊ...
आता पुन्हा स्वत:चा सजवून काळ घेऊ ..!

एकाच सोनपंखी स्वप्नास पाहणार्या ...
नयनांस स्वप्न दुसरे आता नवीन दावू....!!

कळ काळजात आहे..राहो तिथे सुखाने ..!
दु:खावरी सुखाचे लोटून भार देऊ !!.......

---------------------------हर्षल !!