ग्रेस....!!!

भय इथले संपत नाही 
मज तुझी आठवण येते 
मी संध्याकाळी गातो 
तू मला शिकविली गीते !!

ते झरे चंद्र सजणाचे 
ती धरती भगवी माया 
झाडांशी निजलो आपण 
झाडांत पुन्हा उगवाया !!

देऊळ पलीकडे तरीही 
तुज ओंजळ फुटला खांब 
थरथरत्या बुबुळापाशी
 मी उरला सुरला थेंब !!

त्या वेळी नाजूक भोळ्या 
वार्याला फ़सवूनी पळती 
क्षितीजांचे तोरण घेऊन 
दारावर आली भरती !!

संध्येतील कमल फुलासम 
मी नटलो शृंगाराने 
देहाच्या भवती रिंगण 
घालती निळाइत राने !!

तो बोल मंद हळवासा 
आयुष्य स्पर्शुनी गेला 
सीतेच्या वनवासातील 
जणू अंगी राघव शेला !!

स्तोत्रांत इंद्रिये अवघी 
गुणगुणती दु:ख कुणाचे …। 
हे सरता संपत नाही 
चांदणे तुझ्या स्मरणाचे !!
________________________ ग्रेस ----------

मेघ -धरेचे नाते

कुणी  मेघ उन्हाने जळतो 
वार्याने दूर उधळतो 
एकटा  एकटा  फिरतो !
अन दु:ख घेउनि जगतो !!

तो शुष्क मोकळा मेघ 
निर्जीव पांढरा  होतो 
कुणी जिवलग नाही त्याला 
एकटा मुशाफिर फिरतो !!

अन असाच फिरता फिरता 
महिन्यांवर महिने सरती 
अन हाक अचानक येते 
बोलावते त्याला धरती !!

स्नेहाने धरणी म्हणते 
मी तुझ्याच साठी जळते 
हे सागर माझे अश्रू 
मी तुझ्याच साठी रडते !!

त्या अश्रुंमधले जीवन 
मग मेघ उचलुनी घेतो
तो श्वेत विरागी मेघ 
अन कृष्ण -सावळा होतो !!

तो जलप्रेमाने भरतो 
धरणीवरी  बरसत जातो !!

या अशाच प्रेमामधुनी 
वर्षेचा ऋतू  बहरतो !!



तू धरेसारखी सुशीला !!
मी मेघासम वैरागी !!
तू सोज्वळ शालीन  माया 
मी  म्हणून तुझा अनुरागी !!
 
ही प्रीत अबोल अनामिक 
हे मेघ -धरेचे नाते !!
ही मैत्री अपुल्यामधली। ! 
अशीच  वाढत जाते !


---------------------------------- हर्षल 

 

" एका कथेचा उत्तरार्ध"....!!

ती : तू काही बोलणारेस का ?

तो : …………. 

ती :  असे गप्प बसायचा अर्थ काय घेऊ मी ? …एक तर आधीच सध्या आम्ही काळजीत आहोत सगळे !…भारतात आलोय त्याचे कारण तरी माहितीये का तुला ?… अनिकेतच्या भावाचे म्हणजे सलीलचे kidney operation होते !!… भयानक कॉम्प्लेक्स  सगळे !!…. सलीलला पहिले असशील न तू !!…बिचारा  !! 
kidney प्रोब्लेम !! तो सुद्धा या वयात !!…किडनी  रिप्लेस केली !!… DONOR  मिळत नव्हता ! शेवटी अनिकेत ने जमवले काही बाही !!… MONEY  matters !! १६ जण  शोधले पण कोणाची kidney  match  होत नव्हती !!…शेवटी एक match  मिळाली !!………. असो !! आता सलिल ला घेऊन अमेरिकेला च जाणारे !!
पण तू असा मधूनच फोन केलास …. म्हणून आले !!…. अजूनही तसाच आहेस !। be  practical !!… बोल काय काम होते ??


तो:………………… !!

ती : काही बोलायला बोलावलेस ना !! आता वेळ नसतो मला …. ठाऊक नाही का तुला ? सगळे हिशेब नवीन झालेत आता !!…. सगळ्या गोष्टी निराळ्या आहेत आता !!…… सांग तरी काय झालय ??  प्लिज  be  fast !!

तो :  ……………………( एक सुस्कारा टाकतो आणि पुन्हा नजर अधांतरी करून पाहू लागतो )

ती :  तू जर असाच हट्टीपणा आणि विक्षिप्त पणा करणार असशील तर मी निघते ……. माणूस सुधारायला तयार नसेल तर कोण काय करणार !!!……रहा असाच अंधारात !! या अशाच स्वभावामुळे  तू सगळे गमावलेस …!!….अगदी ……………मला सुद्धा !!… एक वेळ येते जेंव्हा मुलीला व्यावहारिक विचार करावा लागतो …। मी तो केला …. आणि आता मी योग्यच होते ते मला समजलय !!  अगदी खरे सांगते पण…  कि ,…. अनिकेत सारखा नवरा शोधून सापडला नसता!!… doctorate तर आहेच , श्रीमंत आहेच , देखणा आहेच पण सर्वात महत्वाचे म्हणजे ,
मला काय आवडते ते सगळे समजते त्याला !!………… i am damn lucky to have him !!…….  just loving to be his wife !!…. तुझा निराळेपणा मला त्या वयात आवडून गेला …तुझी कला ,तुझे हसणे ,बोलणे आवडले होते !! पण नंतर माझे मलाच समजले कि मी चूक होते !!…तु चांगला असलास तरी यशस्वी होणारा नाहीस !!नुसते सद्गुण काय कामाचे ??…. life cant run on hypothesis and dreams !!..it needs strong base of practical approach !...and you have nothing except your plutonic concepts of love and knowledge !!
so i left you !!...मी ambitious मुलगी होते !!…तुझ्यावरच प्रेम हा माझा अडाणी पणा होता !!………अर्थात हे सगळे तुला ठाऊक आहेच !!आपले हे सगळे बोलून झालेय आधीच !!………मनात आले म्हणून सांगितले इतकेच  !!आणि तू सुद्धा …तू कशाला बोलावलेस हे अजूनही सांगत नाहीयेस !!??…मला निघायचय आता …. उशीर होतोय !!

तो : …  जास्त वेळ घेणार नाही !! ( हात पुढे करतो )  … हे घे !

ती : काय आहे ?… चेक ??  १० लाखाचा ???…. कोणाचा ??  

तो : वाच !!

ती : ( वाचून ) ( भांबावून जाते )….अनिकेतने तुला चेक दिला होता ???? परवाची तारीख आहे त्यावर !! कशाबद्दल !!?? …. दहा लाख ?? 
 वेट …… अनिकेत ने १० लाख चेक ने कुरिअर केले  होते त्या … माणसाला !!…अनिकेत म्हणाला होता मला । !! the kidney donor !!!...तू ??। तू ?? तू  kidney  दिलीस सलिल ला ??…

तो : बाजारात अण्णा  भेटले होते तुझे !!… त्यानी सगळे सांगितले !! तुम्ही दोघे परत आलायत आणि अनिकेत ला donor  मिळत नाहीये म्हणून त्रास किती होतोय ते सुद्धा !!… म्हणून सहज जाउन आलो त्या दिवशी !!…. तू नव्हतीस !! अनिकेत भेटला हॉस्पिटल  मध्ये ! म्हंटले त्याला जर माझी मदत झाली तर आनंदाने करेन !!… नशीबाने kidney  match  झाली !!… फक्त त्याला सांगितले होते कोणाला सांगू नकोस !
पण त्याने हा चेक पाठवला म्हणून तो परत करायला तुला बोलवावे लागले !
पैसे मी घेणार नाही आणि मी परत केले तर तुझा नवरा परत घेणार नाही हे मला ठाऊक आहे म्हणून तुला देतोय !!। नाइलाज होता म्हणून तुला बोलावले  !! हा घे आणि परत जा !!

ती : ( रडत)  का केलस तू  हे ? …। 

तो : ( हसून ) practical  असतो तर विचार केला असता !!… पण तसे जमत नाही पहिल्यापासूनच !!… बरोबर म्हणालीस आधी तू …. अजून सुधारलो नाहीये मी !!… याच स्वभावामुळे एकदा तू गेलीस आणि आता एक अवयव !…। असो … निघुयात !! बराच उशीर झालाय !!


-------------------------------------------" एका कथेचा उत्तरार्ध " .--लेखन  हर्षल ( २००७)

पाउस !!

नभांना  नवी जाग येईल आता 

धरेला नवा साज येईल आता

असा थंड वाहेल व्याकूळ वारा 

बरसतील मेघांतुनी दिव्य धारा !!

दहाही दिशांना सरी पावसाच्या 

उघडती कुप्या मातीच्या अत्तरांच्या 

रिती तप्त धरणी पहा होई शांत 

मनातून आनंद  वाहे  प्रशांत !!

तुझे स्पर्श माधुर्य स्मरणार तेंव्हा 

तुझे हास्य मेघांत दिसणार तेंव्हा 

पुन्हा अंतरातून उमलेल  प्रीती 

सरींतून दिसते  तुझी प्रेम मूर्ती  !!

-------------------------------लेखन -- हर्षल --------------

माणसांच्या मध्यरात्री
हिंडणारा सूर्य मी !!
माझिया साठी  न  माझा
पेटण्याचा सोहळा !!
रंगुनी रंगात सार्या रंग
माझा वेगळा !!
---------------कविवर्य सुरेश भट ……. 

व्याकूळ तमांच्या छाया.......!!

व्याकूळ तमांच्या छाया  
पाहता जीव पाझरतो … 
अंधार नभांतून अवघा 
काळजावरी ओघळतो …!!

हे दु:ख चिरंतन माझे 
श्वासांत निरंतर वाहे ,
प्रत्येक  सुखाच्या अंती,
त्याचाच गहिवर आहे … !!

आधार उभ्या मेघांचे 
आकाश घेउनि जगते …. 
सूर्याला  ठाउक नाही,
 ते चन्द्र नभाचे नाते …. !!

अस्पर्श सुखांचे भवती 
एकटेच फुलते रान …. 
पाहता सुखांचे वणवे ,
रात्र  होई बेभान … !!

आसक्त कोवळ्या वेली 
वृक्षांच्या वक्षावरती …। 
 नाचती वायुवेगाने ,
त्या तिथेच सुकुनी सरती…!!

एकांतांचे भय गीत 
कानांतून जहर उतरते…। 
हा शाप निराश्रित उरतो ,
अश्रुंचे काहूर उठते …। 

सागरात उतरे तुटुनी 
तो दूर अकस्मिक तारा …. 
अस्मानी उरती वरती,
मग प्रवास रेषा धारा !!… 


मी जगतो खेळ जगाचा 
पाहतो व्यथांच्या गाथा … 
उलगडून हातांवरती ,
सुख विहीन  उरला माथा ।!!

------------------------------------लेखन ----- हर्षल ----------------------------------------
 

gazal 1

ये रोशनियाँ दिवाली की। .
ये रंग भरे रंगोली के।
बस दिल की कलियाँ
बंद यहां ;इन्हे देखकर भी न खुले।

खामोश हैं मन.… खामोश नजर.... .
खामोश हैं सपनोंके मंजर
बस बात कोई हैं सीने में।
क्या गम है छुपा हमको न ख़बर।

हम खुश थे पहले जीने में।
फिर आज ये  क्यों अफ़सोस यहाँ ?
शायद पहले जो सुकूँ  मिला। .
अब ये उसके हर्जाने हैं।

दिल खाली हैं;सुनसान पड़ा।
क्यों हैं ऐसी मँझधार कड़ी !
शायद दिल अब ये जान गया।
के नहीं जिंदगी  ;प्यार भरी।

__________€€ hd €€___________

katarwel.......

अजुनी मनांत जळती त्या एकट्या मशाली ।
ते ताप अजून त्यांचे अन राख साचलेली …
ओसंडत्या धुक्याचे उरले उदास शेष ….
अश्रुंमधून ढळती ते हरवले निमेष …।

काही उरात उरते निर्भान वेदनांचे ….
अजुनी खुशाल घुमते भयगान यातनांचे …
एकेक पाकळीला वेचून वादळाने …
नेले उजाड झाली संताप दग्ध राने . !

हरवून  वाट गेली ओल्या सुखी नद्यांची
उरली तीरांवरुनी रेती जुन्या जलांची ….
आरक्त अभ्र वरती झुलते उगाच वेडे …
त्याच्या दहा दिशांना अंधार घाली वेढे …!!

______€€€€€€€____________ हर्षल

!!! ..अजूनही...!!!

वाहतात अजून वात चंद्र नभी जागता
अजून धुंद होय धरा पौर्णिमेस पाहता ।
वासंतिक गान अजून आम्रवनी गुंजते
अजुन हि नभामधून इंद्रधनू रंगते

आजही फुलाफुलांत तोच जुना गोडवा
आजही सुरासुरांत तोच जुना ताजवा
अजूनही धरेवरी सृजन नित्य जन्मते
अजुनही मनामनांत प्रेम शांत तेवते ….

ईश्वरास अजूनही मान तोच लाभतो
मानवार्थ  आजही देव जन्म धारतो
जोवरी जगामध्ये सत्यमेव विजयते
तोवरी असेच सुख नित्य येथ नांदते !!

====================  लेखन हर्षल ===================

चालतो तरीही अजुनी !!!!!

चालतो तरीही अजुनी
जरी विझले दीप सुखांचे
आकांक्षांच्या भवताली
दाटले डोह दु:खांचे !!

गर्दीत तमाच्या बुडला
तार्यांचा थोर प्रकाश
एकाकी अजुनी रडते 
अवघडलेले आकाश !!

प्राक्तनात प्राजक्ताच्या
ढळण्याची अवचित वेळ
उन्माद लेवूनी खुलतो
नियतीचा अनवट खेळ !!

संजीवक जलदांवरती
आसूड विजांचे जळते 
सद्धर्म भोगतो दंड
अनृत सुखाने फुलते !!

या विराट विश्वामधूनी
तरी एक असे आधार
परमेश्वर शाश्वत  आहे
सानंद शुद्ध अविकार !!
---------------------------------------------------- हर्षल--

आठवणी

************* आठवणी **********************************************

आठवणी अशाच असतात ………… 

एका बस मध्ये बसून एक दुसरीतला मुलगा सकाळचा सहा वाजताचा  अस्पष्ट चंद्र पाहत जातो …। तोच मुलगा आठवतो आपल्या आईला आणि वडिलांना शाळेत गेल्यावर …।आणि शाळेत दिसतात त्याला अनेक मुले त्याच्यासारखीच …। दिसतात "बाई" ज्या सांभाळतात आणि शिकवतात …ओरडतात सुद्धा ……क़धि कधी !!
अशीच आठवते त्याला शाळा …. ते पावसाळी दिवस ।एक अस्वस्थता ….वह्या ,नवीन पुस्तके सांभाळत ओलेचिंब होत वर्गात जाणे ……. आणि अभ्यास …खेळ … सगळे आठवते ।!!
पाचवीनंतर दहावीपर्यंत …. क्रमाक्रमाने फरक पडत जातो …मनात आणि शरीरात देखील !!…. बुद्धी आणि विचार मुक्त होऊ लागतात … नात्यांचे नवीन अर्थ समजू लागतात ……. नवीन झपाटलेपण …. आणि नवीन अस्वस्थता ……… !!… 
हाच मुलगा … वाचत जातो …. पहात जातो ……… आयुष्य एका नवीन विचारांनी उधाणलेले असते …. काही जाणीवेत तर काही नेणीवेत ……!!
मित्र मैत्रिणी … शाळा ,अभ्यास , क्लास………. खेळ …. सांस्कृतिक कार्यक्रम …… अनेक नवीन पुस्तके आणि धर्म …आसपास चा समाज … तिथली दु:खे … ताण तणाव …. भय … लज्जा … प्रेम … आनंद ……!! ह्या सगळ्या आठवणी …. जुन्या परंतु अबाधित !!!

पुढे महाविद्यालये पार पडतात …. शिक्षण संपते … आणि नवीन उच्च शिक्षणाचा ध्यास …. सुरूच राहतो !!… या काळात सुद्धा आठवणी आहेतच … पण त्या फारशा बोलक्या नाहीत …. कारण तोवर मनावर बरेच संस्कार होऊन गेलेले असतात …अहेतुकपणे वा सहेतुकपणे !!…. मनाला अर्धवट आकार आलेला असतो … पूर्वीसारखे टीपकागदासारखे मन राहिलेले नसते …. म्हणून बरेच संकेत स्मृतीरूपात नोंदले जातात नाहीत…. कदाचित मनच त्यांना आतपर्यंत पोहोचू देत नसावे …। आणि काही क्षण उगीच आठवणींत शिरतात …. असेच सहज त्यांचे फार मुल्य असते असेही नाही !!…………. 

असा काळाचा प्रवाह …. सदैव सुरूच राहतो ……… आठवणी वाढवत ………!! नवीन स्मृती देत …। नवीन आश्वासने देत ……… !!
अथांग आयुष्याचा प्रवाह असाच चालतो ………। चालत राहील …………. त्या मुलासाठी जसा तसाच सगळ्यांसाठी !!

शेवटी आठवणी अनेक असतात … सगळ्या रंगांच्या …त्यातून पुनरावलोकनासाठी कुठल्या निवडायच्या हे आपल्याच हातात असते …!!
समुद्राच्या तळाशी मोती सुद्धा असतात आणि खचलेल्या जहाजांचे अवशेष देखिल ……!!…………. मोती आनंदाने उचलायचे …आणि जुन्या यातनांचे अवशेष ,त्यांना फक्त एक मानवंदना देऊन , तसेच मागे ठेवायचे  ,हे आपले कौशल्य असते …!!

--------------------------------------------------------------------------------------------------- हर्षल -----------------------------------------------------

$$$$$$ काव्य-स्वभाव $$$$$$$$$$

काव्य रसांचा तृप्त घेउनि वेचक परी आस्वाद …
मनास लाभे बहु विषयांचा - बहुरंगी आल्हाद !!

या काव्याची सत्य थोरवी ,थोर तयाची संज्ञा ,
तुम्हा सांगण्या स्वरूप त्याचे , घेतो जनहो आज्ञा !!

सूर उमटती तार छेडीता , तान्पुरयाची जसे ,
मना छेडीता अलगद उमटे , काव्य हवे ते असे !!

दीर्घ स्वरांचा ,तीक्ष्ण स्वरांचा "वैनतेय " नभगामी !!
तसे प्रभावी ,तीव्र ,स्वयंभू ,काव्य असो हितगामी !!

अमृत-तुल्या मंथन करिता ,उभरे नवनीत सार !!
तसा मन्थने हृदयाच्या ,उभरावा काव्यविचार !!

रामदास जे समर्थ सद्गुरु ,म्हणती काव्य जयाला ।!!
तसे असावे लेखन अनुपम ,अर्पावे देवाला !!

-------------------------------------------------------------------------- हर्षल