विसरुन जा !!

स्वर्ग तो वचनांतला विसरून जा !
ते शब्द आणिक प्रीत ती विसरून जा !!

मी तुझ्यास्तव आणलेल्या त्या कळ्या ,
आणि सुमने ती गुलाबी लाघवी !!
माळली केसांत जी वेणी तुझ्या ,
गंध सार्यांचाच त्या विसरून जा !!

हास्य तव खुलता; स्मिताची रेष ;जी ,
माझिया गाली खुले ; विसरून जा !
सोबतीने चाललो ज्या शांत वाटा ;
ती स्मृतींतील कानने विसरून जा !!

गीत  जे प्रेमार्त संध्येतून येई
आणि तार्यांचे उदय पूर्वेकडे ;
चंद्र तो; ते चांदणे ;हुरहूर ती ;
आकाश ते घनभारले ; विसरून जा !!

संचीतांचे चालती हे खेळ जे
प्राक्तनाचे भोग येती त्यातुनी !
वेगळाले मार्ग अपुले जाहले !
सत्य हे जाणून ; मज विसरून जा !!

--____--__-______ लेखन - हर्षल
( जुन्या कवितांच्या धर्तीवर लिहिलेले गीत )